skip to Main Content
Razas Autóctonas Galegas: A Vianesa

Razas autóctonas galegas: a Vianesa

Son animais moi vigorosos, cunha gran adaptación ao medio. O seu nome deriva de Viana do Bolo, capital da súa comarca de orixe, O Bolo.

As condicións orográficas desta zona montañosa da provincia de Ourense dificultaron a maquinización agrícola e permitiron os sistemas de explotacións tradicionais, necesitados de animais de tripla aptitude: traballo, carne e leite; polo que esta raza gozou noutros tempos do maior censo das morenas galegas.

A súa cabeza é pequena, con cara alongada e estreita no morro, onde presenta mucosas escuras e orla esbrancuxada. Son características as abundantes formacións de pelo sobre a fronte os denominados “ flequillos” e tamén nos pavillóns auditivos, os denominados pendentes.

O peso medio é de 560 kg para as femias e 850 kg para os machos e a alzada media á cruz é de 132 cm para as femias e 138 cm para os machos.

O tronco é amplo, con liña dorsolumbar horizontal ou en lixeira inclinación cara á grupa. Capa castaña con expresións máis escuras nos touros e máis claras ou louras nos tenreiros.

Ás calidades propias de todas as razas rústicas, perfectamente adaptada ao medio montañoso e ás particularidades climáticas, hai que sumar as súas boas calidades maternais, principalmente a produción leiteira, que se traduce nun alto ritmo de crecemento nos tenreiros e garante unha mellor clasificación das canles.

O sistema de explotación segue pausas tradicionais, coa fórmula mixta de estabulación durante a fase de climatoloxía adversa, e de pastoreo sobre prados, pasteiros e áreas de bosque e matogueira ao final da primavera, verán e parte do outono. Soamente o gañado empregado nas faenas agrícolas e os tenreiros de recría durante a súa preparación para o mercado reciben complementos de concentrados.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Back To Top