O vacún en España: piar estratéxico e retos na produción e consumo

O informe “Alimentación en España 2024”, publicado por Mercasa, celebra a súa 27ª edición consolidándose como unha ferramenta clave para comprender a evolución da cadea alimentaria no noso país. Este documento ofrece unha análise detallada que abarca desde a produción e a industria ata a distribución e o consumo de alimentos. Nós puxemos o foco no sector da carne de vacún, cuxas cifras reflicten a súa relevancia económica, o seu papel no comercio exterior e os desafíos que enfronta nun contexto de consumo cambiante e sustentabilidade crecente.

O informe “Alimentación en España 2024” de Mercasa destaca a importancia do sector da carne de vacún, considerado o segundo en relevancia económica dentro do sector gandeiro español. En 2023, este subsector representou o 13,9% da Produción Final Gandeira e o 6,5% da Produción Final Agraria. Con todo, a produción nacional de carne de vacún diminuíu un 5%, situándose en 694.800 toneladas. Cataluña liderou esta produción cun 18,9% do total, seguida por Castela e León (16,8%), Galicia (14%) e a Comunidade Valenciana (12,5%).

No ámbito europeo, España contribuíu cun 10,9% á produción de carne de vacún na Unión Europea, que alcanzou 6,38 millóns de toneladas, un 4% menos que en 2022. Francia foi o principal produtor europeo, seguido de Alemaña e Italia. A nivel global, a produción mundial creceu un 1% en 2023, alcanzando 59,9 millóns de toneladas, con Estados Unidos e Brasil como os maiores produtores

O comercio exterior mostrou unha evolución positiva para o sector. Segundo o informe, as exportacións españolas de carne de vacún alcanzaron 267.160 toneladas en 2023, con Canadá, Marrocos e Xapón como principais destinos fóra da Unión Europea. En paralelo, as importacións aumentaron ata as 129.000 toneladas, provenientes principalmente de Arxentina, Brasil e Uruguai

En canto ao consumo, o informe sinala un consumo doméstico per cápita de carne de vacún de 3,9 kg en 2023, acompañado dun gasto medio de 47 euros por persoa. Aínda que o consumo mostrou unha tendencia á baixa nos últimos anos, segue sendo un piar importante na dieta española

En conxunto, o informe subliña o papel estratéxico da carne de vacún na economía agroalimentaria de España, así como a súa integración no contexto europeo e global, á vez que aborda os desafíos relacionados co consumo, a sustentabilidade e a competitividade.

Neste marco, en Frigoríficos Bandeira sentimos orgullosos de ocupar un lugar destacado entre as principais empresas do sector cárnico bovino en España. Este logro é o resultado do noso compromiso continuo coa calidade e a sustentabilidade, e motívanos a seguir traballando coa mesma dedicación para manter e fortalecer a nosa posición no mercado.

Fonte: Informe “Alimentación en España 2024” de Mercasa:

https://lnkd.in/dKwxt9bQ