Frigoríficos Bandeira, patrocinador do cocido de Lalín

Frigoríficos Bandeira asinou un convenio de colaboración institucional co Concello de Lalín como patrocinadores do Cocido de Lalín.

O mes do Cocido de Lalín arrincou o pasado día 15 de xaneiro e dura ata o mes de febreiro, como di o refrán: “De San Amaro a San Valentín, mes do Cocido en Lalín”.

As orixes da feira do cocido de Lalín, que se celebra o domingo anterior ao domingo de entroido, atópanse na reunión que os alcaldes da comarca de Deza tiveron en 1968 destinada a atopar estratexias de difusión e comercialización dos produtos típicos da gastronomía da comarca. A festa compleméntase cunha serie de actos festivos como bailes e desfile de carrozas.