skip to Main Content
Fake News Que Afectan á Reputación Do Sector Cárnico

Fake news que afectan á reputación do sector cárnico

Non é algo novo pero o certo é que desde hai algún tempo vimos observando desde Frigoríficos Bandeira con preocupación que aumentan as críticas totalmente infundadas sobre algunhas prácticas que levan a cabo nos matadoiros e que afectan moi negativamente na reputación do sector cárnico

Ditas críticas son totalmente gratuítas e irresponsables e o único que buscan é o lucro e desinformar á poboación polo que, por tratarse dun tema tan serio, vémonos na obrigación de defender a nosa reputación e a de tantos profesionais que día a día desempeñan o seu traballo da mellor maneira posible.

Como é ben sabido a industria cárnica é unha das máis potentes da nosa economía. Cunhas 3.000 empresas que proporcionamos emprego a case 90.000 persoas e cunha facturación de 24.000 millóns de euros. Isto supón que a industria cárnica representa máis do 22% de toda a produción alimentaria española.

Estas cifras reflicten un enérxico sector que afrontou a súa modernización; investiu en innovación e foise adaptando ás novas demandas dos consumidores; satisfixo as esixencias impostas pola competencia noutros mercados; e que soubo internacionalizarse.

Por iso, por tratarse dun tema tan grave e que afecta a tantas persoas, parécenos moi lamentable que se lle dea cancha a certos personaxes, que mesmo escriben libros, cheos de falacias que desinforman e crean moita alerta na poboación.

Ante estas fake news” tan de moda nos nosos días, xa que son moitos os bulos que circulan pola rede e que, promovidos polos propios consumidores, fanse eco de falsos mitos que acaban afectando á reputación do sector. Por iso dende Frigoríficos Bandeira opinamos que é imprescindible intervir de inmediato na situación, mostrar transparencia e contrarrestar esa desinformación para conseguir que o índice de confianza do consumidor volva restablecerse.

Só nos cabe dicir que protexer o benestar dos animais durante o sacrificio consiste en minimizar a dor, a angustia ou o sufrimento dos animais. Todo o noso persoal, ás ordes dos encargados de benestar animal e da man do departamento de calidade, en concreto o que intervén na condución, estabulación, suxeición, aturdimiento e sacrificio dos animais posúe a preparación e destreza necesarias para levar a cabo estes labores de forma humanitaria, eficaz e profesional.

Todas estas actividades, ademais, están supervisadas por veterinarios oficiais externos, que vixían e controlan de forma moi rigorosa, como non podía ser doutra maneira, que se cumpra a normativa vixente.

Non cabe dúbida que, como en todas as profesións, seguro que existen malas prácticas pero xeneralizar e poñer en dúbida a grandes profesionais e a todo un sector que día a día desempeñan o seu traballo de maneira impecable parécenos inxusto e irresponsable.

Para finalizar, como diciamos noutro artigo deste blog, o benestar animal é unha responsabilidade compartida entre gobernos, comunidades, persoas que coidan e utilizan animais, a sociedade civil, institucións educativas, veterinarios e científicos, en resumo, trátase dunha responsabilidade de todos.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Back To Top